Ný reiðhöll Sörla í Hafnarfirði er viðbygging við eldri reiðhöll. Í nýbyggingunni er reiðsalur með stúku fyrir um 780 manns og félagsaðstaða auk skrifstofu- og fundaraðstöðu. Heildarstærð er um 6.000m2. Reiðsalurinn er stálgrindarbygging, klædd með samlokueiningum en félagsaðstaðan er steinsteypt, einangruð að utan og með álklæðningu.

Ný reiðhöll Sörla í Hafnarfirði: 6.000 m² viðbygging með reiðsal og stúku fyrir 780 manns, félagsaðstöðu, skrifstofum og fundaraðstöðu.

Reiðhöll Sörla í Hafnarfirði

Á svæðinu, sem er tæplega 12 ha að stærð, eru um 40 hús, íbúðarhús og atvinnuhúsnæði. Elsta byggð innan afmörkunnar eru þrjú býli á eignarlóðum frá fyrri hluta síðustu aldar og um miðbik svæðisins er nokkuð samfellt tún sem er einkennandi fyrir svæðið. Byggð meðfram götum umhverfis svæðið samanstendur af húsum með margbreytilegt yfirbragð enda byggðist svæðið upp á löngum tíma.

Kanon arkitektar unnu einnig byggða- og húsakönnun fyrir svæðið árið 2018 í tengslum við tillögugerð þessa og deiliskipulagsvinnu.

Verndarsvæði í byggð er afmarkað svæði í þéttbýli sem nýtur sérstakrar verndar samkvæmt gildandi lögum og reglugerðum. Um er að ræða eina elstu byggð Sandgerðis, hús og búsetuumhverfi á svæði við Krókskotstún og Landakotstún, í norðurhluta bæjarins.

Verndarsvaedi-i-byggd-Krokskotstun-mars-2020.pdf

Sandgerði, Suðurnesjabær - Verndarsvæði í byggð

Byggða- og húsakönnun á elstu byggð í þéttbýlinu í Sandgerði, byggingar og búsetuumhverfi á svæði við Krókskotstún og Landakotstún, í norðurhluta bæjarins.

sandgerdi_husakonnun.pdf

Sandgerði, Suðurnesjabær - Húsakönnun

Deiliskipulag 2013
Stærð deiliskipulagssvæðis:	16,5 ha
Lóð Landspítala:	14 ha
Núverandi húsnæði:	73.600 m²
Nýbyggingar fyrsta áfanga:	151.500 m²

Deiliskipulagið grundvallast á verðlaunatillögu SPITAL frá 2010 og er unnið undir merkjum SPITAL. Það rúmar nútímalegt háskólasjúkrahús, tengt eldri byggð og starfsemi með sveigjanlegri, áfangaskiptri uppbyggingu og þróunarmöguleikum  til framtíðar.
Ný byggð er samofin aðliggjandi svæði, borgarskipulagið byggt á grunnhugmynd randbyggðar og gatnanets og leitast við að draga úr þörf einkabílsins í umhverfisvænu deiliskipulagi.

Nýr landspítali - Deiliskipulag fyrir nútímalegt háskólasjúkrahús, umhverfisvænt skipulag með uppbyggingu tengt eldri byggð.

Nýr landspítali - Deiliskipulag

Hverfisskipulag er deiliskipulag fyrir gróin hverfi sem á að gera þau vistvænni og sjálfbærari. Markmiðið er að þróa byggðina í takt við breyttar áherslur og um leið vernda og styrkja byggðarmynstur og staðaranda. Einfaldara verður fyrir íbúa að sækja um breytingar á húsum sínum eða lóðum með tilkomu hverfisskipulags.
Verkefnið hófst 2015 og tók gildi 2024. Unnið í samstarfi við Teiknistofuna Tröð og VSÓ ráðgjöf.

Öll gögn má finna neðarlega á síðu Reykjavíkurborgar hér:
https://reykjavik.is/hverfisskipulag/hlidar

Hverfisskipulag fyrir Hlíðar. Hverfisskipulag í Háteigshverfi, Hlíðahverfi og Öskjuhlíðarhverfi er deiliskipulag fyrir gróin hverfi, Kanon arkitektar

Hverfisskipulag í Háteigshverfi, Hlíðahverfi og Öskjuhlíðarhverfi

Betri borgarbragur (BBB) var rannsóknarverkefni nokkurra arkitektastofa, Nýsköpunarmiðstöðvar Íslands og Háskóla Íslands. Verkefnið var styrkt af Tækniþróunarsjóði Rannís (Öndvegisstyrkur).
Eitt af markmiðum verkefnisins var að móta leiðir til að hafa áhrif á skipulagsmál til framtíðar, skilgreina verkfæri til að bæta byggt umhverfi og stuðla að vistvænni og sjálfbærri byggð. Skilgreint var hvað felst i hugtakinu „umhverfisvænt og sjálfbært byggt umhverfi “ fyrir íslenskar aðstæður, staða mála hérlendis metin og bent á leiðir til úrbóta. 
Að verkefninu stóðu, auk Háskóla Íslands:
Arkitektúra,  ASK arkitektar,   GlámaKím Arkitektar,  Hús og Skipulag,  Kanon arkitektar,  Nýsköpunarmiðstöð Íslands  og Teiknistofan Tröð.

lok_BBB_Ad_byggja_ser_fortid.pdf

Betri borgarbragur - rannsóknarverkefni um þéttbýlisskipulag og byggt umhverfi, samstarf arkitektastofa, Nýsköpunarmiðstöðvar Íslands og Háskóla Íslands.

Betri borgarbragur - rannsóknarverkefni 2009-2013

Þessi endurskoðun er á Aðalskipulagi Reykjanesbæjar 2015-2030 sem staðfest var 2017.
Forsendur þess skipulags gerðu ráð fyrir ákveðinni íbúaþróun sem ekki gekk eftir og varð íbúafjölgunin í reynd mun örari. Verulegar breytingar urðu þá á efnahagslegum og samfélagslegum forsendum svo ljóst var að endurskoða þyrfti hluta markmiða aðalskipulagsins, sérstaklega hvað varðar fjölda nýrra íbúða og uppbyggingu atvinnusvæða.

Aðalskipulag Reykjanesbæjar 2020-2035 unnið af Kanon arkitektum fyrir Reykjanesbæ, staðfest 2023.

Aðalskipulag Reykjanesbæjar 2020-2035

Heildarstærð:      6.731 m²
Fjöldi íbúða:         125

Fjölbýlishúsið við Nauthólsveg 83 er reist skv. deiliskipulagi og hönnun Kanon arkitekta. Lóðin er staðsett í vesturjaðri Öskjuhlíðar og nýtur auk þess nálægðar við Vatnsmýri og hjarta miðborgar. Húsið er fyrsti áfangi uppbyggingar nemendagarða HR við Nauthólsveg í Reykjavík. Um er að ræða fjölbýlishús 3-5 hæðir auk kjallara. Húsið er staðsteypt og einangrað að utan. Útveggir eru klæddir með álklæðningu. Lóð er sameiginleg fyrir alla byggingaráfanga.

Háskólagarðar HR, námsmannaíbúðir hannaðar af Kanon arkitektum, Nauthólsvegur 83-85

Nauthólsvegur 83 – A reitur

Á svæðinu, sem er tæplega 60 ha að stærð, eru um 50 hús, fjölbreytt byggð íbúðarhúsa, útihúsa og atvinnuhúsnæðis. Þar má finna einstakt þétt 19. aldar byggðarmynstur og heildstætt menningar- og búsetulandslag, sem haldist hefur nokkuð óhreyft og lesa má í gamla búsetuhætti.

Byggða- og húsakönnun á einni elstu byggð sem tilheyrir Garði, Útgarði norðan við Skagabraut, byggingar og búsetuumhverfi.

Utgardur_Husakonnun_128.pdf

Útgarður, Suðurnesjabær – Húsakönnun

Kanon arkitektar unnu einnig byggða- og húsakönnun fyrir svæðið árið 2018 og er hún hluti af skýrslunni um verndarsvæðið.

Verndarsvæði í byggð er afmarkað svæði í þéttbýli sem nýtur sérstakrar verndar samkvæmt gildandi lögum og reglugerðum. Afmörkun svæðisins í þessari tillögu nær frá Útskálum að Skagatá og um er að ræða eina elstu byggð sem tilheyrir Garði, hús og búsetuumhverfi.

Utgardur_verndarsvaedi i byggd.pdf

Útgarður, Suðurnesjabær – Verndarsvæði í byggð

Með deiliskipulagsbreytingu verða lóðirnar Skeifan 7 og 9 sameinaðar og afmörkuð ein ný lóð að viðbættu borgarlandi að Suðurlandsbraut, alls um 10.213 m² að stærð. Gert er ráð fyrir niðurrifi á byggingum sem fyrir eru á lóðunum sökum ástands þeirra. Á nýrri sameinaðri lóð verði heimilt að reisa nýbyggingu með íbúðum og atvinnuhúsnæði.

Byggingin verður að mestu leyti 4 – 6 hæða með randbyggð umhverfis upplyftan garð og 8 hæða turn í norðurhorni. Hann myndar kennileiti á mótum Álfheima og Suðurlandsbrautar við aðalstíg og kallast á við staka byggingu vestan við Glæsibæ og hábyggingar Ljósheima. Bygging er hæst í norðri og lækkar til suðurs að sólaráttum. Leitast er við að skapa fjölbreytni í hæðum byggingar og hleypa birtu inn í skjólríkan, bjartan og hljóðlátan inngarð, sem verður sameiginlegt dvalarsvæði íbúa með beinu aðgengi allra íbúða frá stigahúsum. Lögð er áhersla á gott aðgengi allra að þjónustustarfsemi á jarðhæð og íbúðarhúsnæði efri hæða. Í suðvesturhluta lóðar verður aðkomutorg sem tengist megingönguleið í gegnum Skeifuna. 

Á efri hæðum verða allt að 200 íbúðir umhverfis upplyftan inngarð á þaki jarðhæðar. Garðurinn er umlukinn randbyggð íbúða og nýtur skjóls fyrir umferð og veðri. Randbyggð er rofin niður að hæð inngarðs til suðvesturs í átt að aðkomutorgi þar sem dagsbirta á greiða leið í garðinn og sjónræn tengsl myndast milli garð- og torgrýmis.
Á jarðhæð verður verslunar- og þjónusturými auk stoðrýmis, en einnig er þar gert ráð fyrir möguleika á hjólageymslum og bílgeymslu að hluta. Þar verða inngangar í stigahús íbúða efri hæða og möguleiki á læstum hjólageymslum íbúa í góðum tengslum við innganga.
Í kjallara er gert ráð fyrir hjóla- og bílgeymslu auk annars geymslu- og stoðrýmis og einnig er þar möguleiki á atvinnuhúsnæði að hluta.

Á aðkomutorgi og upplyftum inngarði verður gert ráð fyrir söfnun og miðlun ofanvatns, m.a. með blágrænum beðum trjá- og runnagróðurs sem samtímis prýða borgarrýmið.

Með deiliskipulagsbreytingu Kanon arkitekta fyrir Skeifuna 7 – 9 verður heimilt að reisa nýbyggingu með íbúðum og atvinnuhúsnæði. Randbyggð umhverfis upplyftan garð og turn í norðurhorni.

Skeifan 7 - 9 deiliskipulagsbreyting

Viðfangsefni tillögunnar er að minnka vægi bílsins í umhverfi torgsins og virkja bæjarrýmið til fjölbreyttra athafna blómstrandi mannlífs. 
Byggingarnar sem afmarka torgið eru frá mismunandi tímabilum í Reykvískri byggingarsögu, fjölbreytilegar að stærð og gerð. Þetta gefur Óðinstorgi skemmtilegan og líflegan brag sem mikilvægt er að viðhalda. 
Áhersla er lögð á að skynja megi torgið sem eitt rými - svæði sem býður upp á margvíslega notkun íbúa og gesta eftir árstíðum, vikudögum og tímum sólarhringsins. Leik og hvíld, tónleikahald, dans, útiveitingar kaffihúss og veitingastaðar, útimarkað o.s.frv. Lifandi torg með fjölnota möguleika.
Á móti fjölbreytileika bygginganna sem afmarka rýmið verður einfaldleiki í hugmyndinni að efni og yfirbragði gólfsins.

Óðinstorg - hönnunarsamkeppni

Húsið er fjögurra hæða nýbygging, fjölbýlishús með verslunar- og þjónusturými á jarðhæð. Húsið er samtengt Snorrabraut 60 sem sem hýsir Blóðbankann. Nýbyggingin fellur vel að hugmyndum um mótun Snorrabrautar sem mikilvæg framtíðarborgargata í Reykjavík. Á götuhæð er gert ráð fyrir lifandi götuhliðum með hverfisþjónustu. Á efri hæðum eru 35 íbúðir af ýmsum stærðum og gerðum.

Snorrabraut 62

Árið 2007 bauð Borgarbyggð fimm arkitektastofum að vinna samanburðartillögur um skipulag í Brákarey. Tillaga Kanon arkitekta bar sigur úr býtum og var valin til útfærslu. 

Í deiliskipulagi Brákareyjar, sem er útfærsla á samanburðartillögu, er sérstaða eyjarinnar undirstrikuð. Áhersla er lögð á gott heildaryfirbragð mannvirkja og að form þeirra og efnisnotkun taki ríkt tillit til umhverfisins og upphefji stórbrotna náttúru svæðisins. Gert er ráð fyrir blandaðri byggð íbúða, verslunar og þjónustu. Þjónustu- og íbúðarbyggingar umlykja torg, sem opnast til suðurs. Nyrst verður bygging með íbúðum og þjónustu, austar hótel og fjölnotahús. Á syðri hluta eyjarinnar móta samfelldar raðir íbúðarbygginga litlar húsagötur. Undir torginu verður bílgeymsla.

Brákarey

Hugmyndasamkeppni um framtíðaruppbyggingu Kringlusvæðis

Kringlusvæðið afmarkast af Miklubraut, Kringlumýrarbraut, Listabraut og eystri hluta Kringlugötu. Markmið samkeppninnar var að þróa og efla svæðið sem eitt mikilvægasta verslunar- og athafnasvæði borgarinnar, fjölga íbúðum og þétta byggð nærri efldum almenningssamgöngum.
Hugmynd tillögunnar er að byggja nýtt borgarhverfi, þar sem margbreytileikinn fær notið sín. Verslunarmiðstöðin Kringlan er styrkt, stækkuð og opnuð í borgarrýmið og verður virkur hluti borgarmannlífsins. Byggt er á grunnhugmynd randbyggðar og gatnanets með þéttri blandaðri byggð í hóflegri hæð. Nýbyggingar laga sig að byggingum sem fyrir eru og styrkja götumynd. Opnun gatnakerfis í borgarumhverfið auðveldar og eflir aðgengi um Kringlusvæðið sem hverfi í borg. Samtengd útirýmin verða kjörinn viðkomustaður í daglegu lífi borgarbúa.

Kringlan – hugmyndasamkeppni

Tilgangur könnunar er að tryggja að ákvarðanir um breytingar á byggð eða einstökum húsum séu teknar með þekkingu á gildi því sem þau hafa fyrir umhverfð. Samkvæmt skipulagslögum ber að vinna húsakönnun þegar deiliskipulagt er í eldri byggð. Þá er könnunin mikilvæg til að uppfræða um umhverfi og byggingararfleifð.

Í byggða – og húsakönnuninni er elsti hluti byggðar í Keflavík til umfjöllunar. Talið er að þéttbýlismyndun hafi myndast þar á seinni hluta 18. aldar og er veitt yfirsýn yfir þann bæjarhluta, bæjarmynd og sögubrot. Svæðið er elsta íbúðar– og atvinnusvæði bæjarfélagsins.

Byggingarlistarleg og menningarleg skoðun, skráning og mat bæjarumhverfis og einstakra húsa.

Reykjanesb_skyrsla.pdf

Reykjanesbær, byggða- og húsakönnun

Leikskóli á einni og tveimur hæðum. Bygging ásamt tilheyrandi útileiksvæðum er löguð að miklum landhalla til suðvesturs, um 10 metrar innan lóðar. Í leikskólanum eru fimm deildir fyrir samtals 150 börn, þrjár á neðri hæð og tvær á efri hæð með sjálfstæðar aðkomur beint frá lóð. 

Leikskólalóðin er tvískipt og er lóð fyrir efri hæð leikskólans á þaki einnar hæðar hluta skólans.

Leikskólabyggingin er steinsteypt, útveggir klæddir ál- og timburklæðningu. 

Hönnun nýbyggingar og lóðar, 2021-2023.

Leikskóli í Helgafellshverfi

Sjúkrahótel er hluti fyrsta áfanga uppbyggingar nýs Landspítala við Hringbraut. Það mun rísa norður af C-álmu kvennadeildar og tengjast Barnaspítala / kvennadeild um tengigang á jarðhæð. Frumhönnun sjúkrahótels byggir á vinningstillögu í samkeppni um uppbyggingu á Landspítalalóð 2010 og er unnin undir merkjum SPITAL teymisins.

Í fyrsta áfanga verða 77 herbergi, í fullbyggðu sjúkrahóteli 115 – 120 hótelherbergi. Sjúkrahótel er eins og venjulegt hótel að viðbættri aðstöðu fyrir heilbrigðisstarfsfólk. Hærra hlutfall gesta hefur skerta hreyfigetu en á almennum hótelum. Aðkoma hótelsins er frá suðri um forgarð. Við inngang er móttaka, veitingastofa með aðgengi í forgarð og setustofa, að hluta til með tvöfaldri lofthæð. Þar er hjarta hússins.

Sjúkrahótel - nýr Landspítali

Rammaskipulag Kringlusvæðis var unnið á grunni verðlaunatillögu Kanon arkitekta í hugmyndasamkeppni 2017 (sjá einnig Samkeppni).
Skipulagssvæðið er þróunarsvæði skv. Aðalskipulagi Reykjavíkur, um 13 ha að stærð. Í rammaskipulaginu er sett fram stefnumótun og framtíðarsýn fyrir uppbyggingu þéttrar blandaðrar byggðar í samhljómi við hverfin í kring, nærri efldum almenningssamgöngum. 
Ný randbyggð, með Kringlustétt miðsvæðis – hjarta hverfisins - opið torgrými ásamt aðlægri lifandi starfsemi í götuhæð. Kringlustétt verður í hæð við núverandi 2. hæð Kringlunnar. Kringlusvæðið verður byggt upp í áföngum. Á fullbyggðu svæði er reiknað með um 160.000 m² nýs húsnæðis. Þar af um 60.000 m² atvinnuhúsnæðis og um 800 – 1000 íbúðum.

Kringlusvæðið - Rammaskipulag

Skipulagssvæði afmarkast af Keilugranda, Eiðsgranda, Boðagranda og gangstíg sunnan Fjörugranda, en breytingar ná fyrst og fremst til lóðarinnar við Keilugranda 1.
Mælikvarði og byggðarmystur svæðisins er fellt að núverandi byggð þar sem hún mun rísa hæst til norðurs í átt að hafi, en lækkar til suðurs í átt að smágerðari íbúðarbyggð.
Á svæðinu verður áhersla lögð á aðlaðandi og vistlegt yfirbragð og gróðursæla ásýnd. Með skipulagshugmyndinni er áhersla lögð á að styrkja göturými að Keilugranda og Eiðsgranda sem og að móta skjólgott og notalegt garðrými til suðurs. Í miðju rýminu verður lýðheilsureitur – útisvæði fyrir unga og aldna.

Deiliskipulag Keilugrandi-Boðagrandi-Fjörugrandi

Unnið í tengslum við deiliskipulag Kanon arkitekta við Skagabraut og Iðngarða, (sjá undir deiliskipulagsverkefni). Svæði byggða- og húsakönnunarinnar nær til svæðis sunnan Skagabrautar og svæðis sunnar í þéttbýlinu við Iðngarða.

Byggingarlistarleg og menningarleg skoðun, skráning og mat bæjarumhverfis og einstakra húsa.
Tilgangur könnunar er að tryggja að ákvarðanir um breytingar á byggð eða einstökum húsum séu teknar með þekkingu á gildi því sem þau hafa fyrir umhverfð. Samkvæmt skipulagslögum ber að vinna húsakönnun þegar deiliskipulagt er í eldri byggð. Þá er könnunin mikilvæg til að uppfræða um umhverfi og byggingararfleifð.

husakonnun i Gardi.pdf

Suðurnesjabær, Garður, byggða- og húsakönnun

1. verðlaun
Opin samkeppni 2016
Verkkaupi: Ísafjarðarbær
Samkeppni í samstarfi við AÍ

Sundhöll Ísafjarðar, hönnuð af Guðjóni Samúelssyni var vígð árið 1946. 70 árum síðar var haldin samkeppni um endurhönnun hennar og umhverfis við Austurveg. Áhersla var lögð á útisvæði og endurbætur á aðstöðu. Með tillögu að endurhönnun sundhallarinnar er lagt upp með að nálgast þessa merku byggingu í hjarta bæjarins af virðingu og samtímis að laga hana að breyttum aðstæðum á aðlaðandi, nútímalegan og hagkvæman hátt. Með endurskipulagningu núverandi húsnæðis og nýrri viðbyggingu er leitast við að fanga dagsbirtu á fjölbreyttan hátt og skapa notalegt og aðgengilegt rými. Nýtt útisvæði með margvíslegri aðstöðu mun auka notagildi sundhallarinnar og upplifun gesta.

Sundhöll Ísafjarðar

Árið 2014 var þremur arkitektastofum boðið að vinna samanburðartillögur um skipulag fyrir Háskólagarða HR. Tillaga Kanon arkitekta bar sigur úr býtum og var valin til útfærslu.
Markmið tillögunnar er að móta fjölbreytt íbúðarsvæði og margbreytilegt umhverfi með því að tvinna saman borgargötubyggð í vestri og opnari byggð að útivistarsvæði í austri. Áhersla er lögð á að nýta nánd við Öskjuhlíð og auka tengsl byggðar og náttúrusvæða. Til norðurs og vesturs, að miðborginni og Nauthólsvegi er randbyggð borgarhúsa sem myndar götumynd og bæjarrými. Til austurs er form bygginga brotið upp í opnari byggð sem fléttast við útivistarsvæðið. Syðst á svæðinu er leikskóli. Þar er einnig gert ráð fyrir þjónustukjarna með dagvöruverslun, kaffihúsi o.þ.h. að Nauthólsvegi.

Deiliskipulag Háskólagarðar HR

Hugmynd að frístundabyggð við strandlengju Ósa, skammt frá Ósabotnum og Þórshöfn, vestarlega á Reykjanesi.
Frístundabyggðin er staðsett í sérstæðu og stórbrotnu umhverfi strandlengjunnar. Þaðan er mikilfenglegt útsýni til sjávar og kröftug úthafsaldan blasir við í öllu sínu veldi. Áhersla er lögð á að gesturinn fái sterka tilfinningu fyrir náttúruöflum og umhverfi.
Við aðkomu Ósa er fræðslu- og þjónustumiðstöð, hótel og veitingastaður. Þaðan kvíslast vegur að 40-60 frístundahúsum. Frá samfelldum stíg um frístundabyggðina verður greið leið niður að baðstað, strönd og fjöru.

Ósar – frístundabyggð

Frístundahús í fallegu kjarrlendi í Borgarfirði. Hönnun húss og nánasta umhverfis miðast að því að fella öll mannvirki sem best að umhverfinu. Útveggir, gólf og þak eru steypt. Húsið klætt að utan með ómeðhöndluðum sedrusviði sem hefur gránað með aldrinum. Gras er á þaki. 
Öll hönnun húss og fyrirkomulag miðast að því að tengja innra umhverfi hússins náttúrunni fyrir utan sem best.

Frístundahús í landi Jarðlangsstaða, Borgarbyggð

Heildarstærð:      Um 1.900 m²
Fjöldi íbúða:                    12

Fimm hæða fjölbýlishús við Urriðaholtsstræti 32 með innbyggðri bílgeymslu. 
Útveggir eru staðsteyptir, einangraðir að utan og klæddir með álklæðningu en svalir eru timburklæddar. 
Húsið situr í miklum landhalla og þarf að aðlaga það mismunandi landnotkun á lóðamörkum. Lóðin er þrískipt með aðkomusvæði, bílastæði og garðsvæði.

Urriðaholtsstræti 32 Garðabæ

Húsið er þriggja hæða steinhús og er teiknað af Einari Erlendssyni 1926.
Endurbætur náðu til alls hússins og í framhaldinu var garðurinn endurhannaður og lauk framkvæmdum við hann 2017.  Öfugt við húsið þá var garðurinn í fremur lélegu ástandi og lítið til að byggja á.  Ákveðið var að gera garðinn nútímalegan en enduróma um leið tiltekin gæði götumyndar og arkitektúr hússins.  Einkennandi steypt handrið við útitröppur eru t.a.m. látin halda sér þótt nýjar tröppur hafi verið steyptar með mun minni halla. Þá var nýr lóðaveggur steyptur á framlóð og garðhýsi reist á baklóð.

Einkagarður í Vesturbæ Reykjavíkur

Skráningin er unnin skv. leiðbeiningum og skráningarstöðlum Minjastofnunar Íslands. Með verkefninu er byggt undir umhverfisstefnu Landsvirkjunar: “Að lagt verði mat á varðveislugildi sögulegra mannvirkja og umhverfis, þannig að verndun og viðhald verði tryggt samhliða eðlilegri þróun”.

Tilgangur verkefnisins er að skrá mannvirki á starfsstöðvum Landsvirkjunar í Bjarnarflagi og Kröflu.

Bjarnaflag og Kroflu_skyrsla.pdf

Mannvirkjaskráning í Bjarnarflagi og Kröflustöð

Tilgangur könnunar er að tryggja að ákvarðanir um breytingar á byggð eða einstökum húsum séu teknar með þekkingu á gildi því sem þau hafa  fyrir umhverfið.

Samkvæmt skipulagslögum ber að vinna  húsakönnun þegar deiliskipulagt er í eldri byggð.

Þá er könnunin mikilvæg til að uppfræða um umhverfi og byggingararfleið.

Vatnsstigsreitur_skyrsla.pdf

Vatnsstígsreitur – húsakönnun

Hér eru settar fram sameiginlegar greiningar og niðurstöður Kanon arkitekta og Fornleifastofnunar Íslands sem byggja á uppfærðum skráningum á fornleifum, húsum og mannvirkjum.  Sú ákvörðun að skila sameiginlegri skýrslu þar sem þverfagleg sjónarmið fornleifafræði, landslagsarkitektúrs og arkitektúrs eru fléttuð saman reyndist áhugaverð og skemmtileg. Menningar-/ búsetulandslag samanstendur af mörgum lögum sem hlaðast upp í tímans rás. Þessa lagskiptingu er mikilvægt að skrá, greina og varðveita niðurstöður í einhverri mynd (úr inngangi).

Skýrsla þessi er grunnur að greinargerð sem fylgja mun tillögu um verndarsvæði í byggð 2018. Verndarsvæði í byggð er afmarkað svæði í þéttbýli sem nýtur sérstakrar verndar samkvæmt ákvörðun ráðherra.

Thormodseyri_opnur.pdf

Þormóðseyri Siglufirði

Endurbætur og innréttingar - Opinberar byggingar

Leikskólinn Laugasól var byggður árið 1965. Upphaflegur hönnuður hússins var Bárður Daníelsson, arkitekt.
 Reykjavíkuborg óskaði eftir að gerðar yrðu breytingar á leikskólanum vegna fjölgunar barna og eins til að uppfylla kröfur sem gerðar eru til leikskóla í dag.
Það verður gert með því að grafið verður frá húsinu að sunnaverðu, gera nýja innganga í kjallara og koma þ.ar fyrri fyrir leikskóladeildum, matstofu, starfsmannarými og skrifstofum. Auk þess verða gerðar nauðsynlegar breytingar m.t.t. algildrar hönnunar s.s. bætt aðgengi milli hæða með nýjum stiga og lyftu.
Lóð verður endurhönnuð að hluta til að bæta aðgengi að kjallara.

Leikskólinn Laugasól

Tilgangur verkefnisins er að skrá mannvirki á starfsstöðvum Laxárvirkjana í eigu Landsvirkjunar.

laxarvirkjun_skyrsla.pdf

Mannvirkjaskráning Laxárvirkjanir

Breytingar, endurbætur og innréttingar - Íbúðarhúsnæði

Breytingar og innréttingar innanhúss með virðingu fyrir hinu upprunalega í húsi frá 1926 eftir Einar Erlendsson. Endurbæturnar ná til alls hússins en meginbreytingin er fólgin í nýju eldhúsi og að opnað var milli þess, stofu og borðstofu og þannig myndað bjart og opið rými. Einnig var hannaður nýr stigi milli hæða og tvö baðherbergi endurhönnuð.

Lóð hússins var endurhönnuð af Kanon arkitektum 2016.

Íbúðarhúsnæði í Vesturbænum Reykjavík

Byggðarþróun á Siglufirði var nokkuð ólík þróun annarra sjávarplássa á fyrri hluta 20 aldar. Öflugri á flestum sviðum mannlífsins og hefur bæjarbragur líklega óvíða verið jafn líflegur og á Siglufirði síldaráranna. Núverandi byggð endurspeglar þróunarsögu Siglufjarðar og varðveitir upplýsingar, s.s minjar, kennileiti og örnefni í landslaginu. Skipulag Eyrarinnar á sér fáar hliðstæður á Íslandi. Húsaskráningin er liður í því að tryggja að framtíðarþróun byggðar á Siglufirði taki mið af sögulegum bakgrunni og festi staðarímyndina enn frekar í sessi.

Markmið með gerð byggða- og húsakönnunar er byggingarlistarleg og menningarleg skoðun. Í þessu felst skráning á núverandi og upprunalegri gerð einstakra húsa. Einnig er lagt mat á götumyndir og bæjarumhverfi. Ferlið er lögbundið og nýtist við deiliskipulagsgerð í byggðu umhverfi.

Siglufjordur_skyrsla.pdf

Siglufjörður, byggða- og húsakönnun

Verkkaupi: Akraneskaupstaður
Íbúafundur í janúar 2014

Kanon arkitektum var falið að vinna að hugmyndum um notkunarmöguleika Sementsreitsins og þýðingu hans fyrir miðbæ Akraness ásamt því að undirbúa íbúafund þar sem þeir kynntu hugmyndir og höfðu umsjón með umræðum í vinnuhópum.

Sementsreiturinn á Akranesi

Með sameiningu lóða og breyttri landnotkun skapaðist grundvöllur fyrir nýjum leikskóla fyrir 120 – 130 nemendur.  Helstu áskoranir lóðarhönnunar fólust í gerð leiksvæða fyrir nemendur auk útfærslu á hverfisgarði í grónu umhverfi.  Sérstök áhersla var lögð á að tryggja gott aðgengi og varðveita núverandi gróðursvæði. Hönnunin hlaut viðurkenninguna „Græna skóflan 2022“ frá samtökunum Grænni byggð fyrir vistvænar og sjálfbærar áherslur.

Leikskólinn Brákarborg Kleppsvegi

Landslagshönnun, frístundahús í Borgarbyggð

3. verðlaun
Tveggja þrepa samkeppni 2012
Samkeppni í samstarfi við AÍ

Tillaga að þægilegri og öruggri göngu- og hjólaleið yfir Elliðaárósa.
Brýrnar tvær ásamt göngu- og hjólaleið yfir Geirsnefið mynda eina heild. Frá sjónarhorni vegfarenda verður öll leiðin samræmd, líkt og farið sé yfir samfellda brú. Þetta er til þæginda, en einnig rökrétt út frá núverandi hæðarlegu lands.
Áhersla er lögð á að samgöngumannvirkin myndi kennileiti í borgarlandinu.
Reykjavík er hafnarborg og umhverfi skipulagssvæðisins einkennist af nálægð við sjó, smábátahafnir og stórskipahöfn. Hugmynd að ásýnd og yfirbragði brúnna – möstur, stög og stál – er hugsuð sem eins konar stef við hafnarumhverfið.
Unnið í samstarfi við Hnit verkfræðistofu hf.

Göngu- og hjólabrýr yfir Elliðaárósa

Í kjölfar hugmyndaleitar var Kanon arkitektum falið að vinna að heildarendurskoðun Skeifunnar á grunni tillögu þeirra. Til samræmis við Aðalskipulag Reykjavíkur 2010-2030 var unnin heildarendurskoðun skipulags Skeifunnar, rammaskipulag. Skeifan er sunnan við þróunar- og samgönguás sem skilgreindur er meðfram Suðurlandsbrautinni í aðalskipulaginu þar sem gert er ráð fyrir að fyrirhuguð Borgarlína muni liggja og því mikilvægt að tekið sé á uppbyggingarmöguleikum svæðisins. 
Í gildi er deiliskipulag Skeifunnar frá árinu 2001 og er gert ráð fyrir að það verði endurskoðað reit fyrir reit með deiliskipulagsbreytingum á grundvelli þessa nýja rammaskipulags.

Skeifan – rammaskipulag 2017

Endurbætur og innréttingar - Opinberar byggingar

Viðbygging og endurbætur eldra húsnæðis frá 1957 eftir Gísla Halldórsson arkitekt. Félagsheimili Fljótsdælinga, skrifstofur sveitarfélagsins og sýningaraðstaða Landsvirkjunar vegna Kárahnjúkavirkjunar. Með viðbyggingu og endurbótum eldra húsnæðis var aðstaða félagsheimilis Fljótsdælinga bætt til muna. Með breytingunum var enn fremur gert ráð fyrir upplýsingamiðstöð Landsvirkjunar. Á efri hæð viðbyggingar eru skrifstofur sveitarfélagsins og Landsvirkjunar.
Viðbyggingin er steinsteypt, útveggir einangraðir að utan. Hluti byggingarinnar er tveggja hæða, klæddur múrkerfi, þak einhalla, klætt bárustáli. Lægri hluti á einni hæð er klæddur lerki úr Hallormsstaðaskógi, þak er viðsnúið undir malar- og hellufargi.
Á lóð er tjaldstæði, hannað af Birki Einarssyni landslagsarkitekt.

Félagsheimilið Végarður Fljótsdal (Fljótsdalshreppi)

Stærð skipulagssvæðis:     375 ha
Nýr íbúafjöldi: 15.000
Ný störf: 4000

Verkefnið fólst í rýni uppbyggingarmöguleika í Fyllingsdalen, úthverfi Bergen, og var unnið í samstarfi við norsku arkitektastofuna OG arkitekter. Teymið var valið til tillögugerðar í forvali á Evrópska efnahagssvæðinu. Skipulagstillagan er heildarsýn á mögulega uppbyggingu og verður nýtt við stefnumörkun í skipulagsendurskoðun. Skipulagssvæðið er lykilsvæði í aðalskipulagi Bergen. Miðbiki hverfisins er breytt frá yfirbyggðum verslunar- og þjónustukjarna og dreifbyggðu athafnasvæði í lífæð sem liggur þvert á dalinn. Áhersla er lögð á sjálfbærni í vistvænni byggð og umhverfi í Fyllingsdalen.

Fyllingsdalen - Rammaskipulag

Viðbygging, innréttingar og endurbætur - Íbúðarhúsnæði

Húsið er fjögurra hæða steinhús, teiknað af Pétri Ingimundarsyni árið 1929. Við hönnun breytinga og endurbóta var upprunalegri grunnmynd hússins haldið óbreyttri að mestu, en lítilsháttar breytingar miðuðu að betra samspili einstakra rýma á aðkomuhæð og birtuflæði. Helsta breytingin er lítil viðbygging fjær götu. Þar teygir sig nýtt, rúmgott og bjart eldhús nánast út í garðrýmið. Þaðan má opna út á svalir um stóra rennihurð til suðausturs með tengingu við garðinn.

Íbúðarhúsnæði í Þingholtunum Reykjavík

Íbúðarhúsnæði – Opinberar byggingar

Viðurkenning Umhverfisráðs Kópavogs 2001 fyrir hönnun

Heimilið er við Dimmuhvarf 2 í Kópavogi. Í húsinu eru 6 sjálfstæðar íbúðareiningar ásamt sameiginlegu rými. Húsið er myndað af tveimur álmum og eru þrjár íbúðir og setustofa í hvorri þeirra. Form hússins og efnisnotkun tekur mið af byggðu umhverfi þess. Það er samsett úr smágerðum einingum og hefur yfirbragð klasa smáhýsa sem mynda saman eina sterka heild.
Í viðurkenningu Kópavogs fyrir hönnun segir: “Þó húsið sé mun stærra en flest hús í nágrenni þess, tekst höfundum að fella það að eldri byggð með því að skipta því upp í smærri einingar og með markvissu lita- og efnisvali. Húsið er vitnisburður um vandaða vinnu höfunda, sem skilar góðu verki.”

Dimmuhvarf, heimili fyrir einhverfa

um bætta aðstöðu fyrir ferðafólk í Stórurð og næsta nágrenni Dyrfjalla 2013

Hugmyndin er að mannvirkin birtist ferðalangnum líkt og að þau eigi rætur í staðnum. Þau gætu verið forn eða ný – jafnvel tímalaus. Sterk og varanleg, þola ágang, en taka líka hægfara breytingum með náttúrunni við veðrun og rof og vaxa í tímans rás inn í umhverfið. Efnisval verði með hliðsjón af þessu, steinn, steypa og kortenstál í aðalhlutverki. Slitsterk efni sem eldast vel og falla að náttúrunni, sum jafnvel eins og þau hafi alltaf verið þar.

Dyrfjöll - Stórurð

Svæðisskipulagið er landnotkunaráætlun fyrir fimm sveitarfélög Suðurnesja, Sveitarfélögin Garð, Voga, Grindavíkurbæ, Reykjanesbæ og Sandgerðisbæ. Auk þeirra nær skipulagið til Landhelgisgæslunnar og Keflavíkurflugvallar. Svæðisskipulagið er samræmd stefna sveitarfélaganna fyrir tímabilið 2008 – 2024 um sameiginleg hagsmunamál Suðurnesja. Stuðlað er að hagkvæmri og skynsamlegri nýtingu auðlinda svæðisins fyrir heildina og sameiginlegri framtíðarsýn sveitarstjórna, íbúa og annarra hagsmunaaðila í efnahagslegri, félagslegri og menningarlegri þróun sveitarfélaganna. Megin viðfangsefnin snúa að atvinnu, auðlindum og auðlindanýtingu, náttúruvernd, samgöngum og veitum.
Svæðisskipulagsvinna hófst 2008 og er unnin í samstarfi við VSÓ ráðgjöf.

Svæðisskipulag Suðurnesja 2008 - 2024

Atvinnuhúsnæði – Endurbætur og innréttingar

Endurbætur gamla Edinborgarhússins á Ísafirði fyrir starfsemi menningarmiðstöðvar, í samvinnu við Teiknistofuna Kol og Salt ehf.
Edinborgarhúsið var reist eftir teikningum Rögnvaldar Ólafssonar arkitekts árið 1907. Bryggja Edinborgarverslunar reis sama ár. Bryggjuhúsið og bryggjan voru lengi eitt mesta mannvirki á Ísafirði.
Í menningarmiðstöðinni er m.a. starfræktur Listaskóli Rögnvaldar Ólafssonar og veitingastaður ásamt annarri starfsemi. Þar eru salir fyrir leiksýningar, tónleika, myndlistarsýningar, ráðstefnur og önnur mannamót.

Ljósmyndir: Ágúst Atlason

Edinborg menningarmiðstöð Ísafirði

Samkeppni um uppbyggingu í miðborg Reykjavíkur.

Í tillögunni fléttast uppbyggingaráform og verndunarsjónarmið í sögulegu og lifandi umhverfi. Markmið tillögu er að bæta nýjum mælikvarða í byggð og tengja hið gamla smágerða hinu nýja stórgerða í fallega heild. Ennfremur að styrkja leiðir milli almenningsrýma, móta umhverfi þeirra í samfelld fjölbreytt bæjarrými og skapa forsendur fyrir blómstrandi starfsemi og mannlífi.

Ingólfstorg – Kvosin

Heildarstærð: um 31.800 m²
Fjöldi íbúða: 222

Íbúðarbyggð við Mánatún í Reykjavík skv. deiliskipulagi Kanon arkitekta og Teiknistofunnar Traðar. Unnið var að hönnun fyrstu áfanga íbúðarhúsnæðis ásamt bílgeymslu 2004 - 2008 fyrir ÍAV hf. Vinna hófst að nýju 2013 vegna síðari áfanga íbúðarhúsnæðis.

Íbúðarbyggðin er mynduð af fjórum byggingum, 5-10 hæða, sem afmarka sameiginlegan, skjólgóðan garð. Undir garði er tveggja hæða bílgeymsla.

Útveggir jarðhæðar bygginganna eru úr ljósri sjónsteypu. Útveggir efri hæða Mánatúns 3-5 eru að mestu klæddir með leirflísum á ál-undirkerfi en valdir fletir með zinkklæðningu og harðvið. Útveggir Mánatúns 7–17, 19-21 og 1, eru klæddir með álklæðningu að mestu og valdir fletir viðarklæddir.

Mánatún 1-21

Sumarhúsið er staðsett á gróðursælum stað í Borgarfirði.

Fjallaskáli með góðum tengslum við náttúruna var fyrirmynd hússins. Hagkvæmni, nýtni á rými og efni ásamt umhverfishugsun hafa verið höfð að leiðarljósi við hönnun og byggingu hússins. Sumarhúsið er timburhús, klætt að utan með lerkiklæðningu, sem fengið hefur að veðrast. Bárujárn og gras eru á þökum. Stórir gluggar og dyr tengja innra rýmið við náttúruna úti fyrir.

Sumarhús í Borgarfirði

Hannað: 2017
Stærð lóðar: 10.500 m²

Lóðin tilheyrir fjölbýlishúsum sem hönnuð eru af Kanon arkitektum.

Einkennandi fyrir skipulag reitsins er hlutfallslega mikill byggingamassi og góð tengsl við nærumhverfið. Umferð bíla og gangandi vegfarenda er að mestu í jöðrum svæðisins. Stakstæð tré og trjáraðir á jaðarsvæðum eru rýmismyndandi og gefa götuásýndum mildara yfirbragð. Miðlægt garðrými samanstendur af þremur eyjum sem hafa í senn hlutverk leiksvæðis, setsvæðis, garðsvæðis og samkomusvæðis fyrir íbúa og almenning.

Mánatún og Sóltún

Kanon arkitektar ehf hafa starfað frá árinu 1994 við arkitektúr og skipulag. Fyrirtækið var stofnað af arkitektunum Halldóru Bragadóttur, Helga B. Thóroddsen og Þórði Steingrímssyni, sem jafnframt eru eigendur. Þorkell Magnússon arkitekt bættist síðar í eigendahóp. Framkvæmdastjóri er Halldóra Bragadóttir.

Reiðhöll Sörla í Hafnarfirði

Skeifan 7 - 9 deiliskipulagsbreyting

Snorrabraut 62

Leikskóli í Helgafellshverfi

Leikskólinn Brákarborg Kleppsvegi

Skipulag

Byggingar

Landslag og umhverfishönnun

Samkeppni og nýsköpun

Byggða- og húsakönnun

Samstillt sjö manna teymi fagfólks með fjölbreyttan bakgrunn